Binalaan ng National Food Authority (NFA) ang sinomang mga mananamantala sa bentahan ng murang bigas.
Ito’y kasunod ng pagdating sa mga pamilihan ng Commonwealth at Muzon sa Quezon City ng mga bigas na inangkat ng NFA.
Ayon kay NFA Administrator Jason Aquino, mabibili lamang ang mga bigas sa halagang 27 kada kilo at limitado na rin hanggang sa limang kilo ang pwedeng bilhin ng isang mamimili.
Sakaling may mga masaksihan umanong pandaraya sa bentahan ng NFA rice ay maaari itong isumbong sa 8888.
