Tiniyak ng Malacañang na walang kinalaman ang Palasyo sa naging desisyon ng Korte Suprema kaugnay sa pagkakabasura ng motion for reconsideration na inihain ni dating Chief Justice Maria Lourdes Sereno kaugnay sa quo warrano petition.
Ayon sa Palasyo, may hiwalay na kapangyarihan ang ehekutibo, hudikatura at lehislatura.
Dahil dito kanilang iginagalang umano ang naging pasya ng mga mahistrado na tuldukan na ang panunungkulan ni Sereno bilang chief justice dahil sa hindi nito pagdedeklara ng Statement of Assets, Liabilities and Net Worth (SALN).
Kaugnay nito, nagpaabot din ang Palasyo kay Sereno ng isang “good luck wish” para sa pribadong pamumuhay ng punong mahistrado.
Magugunitang itinuturo ni Sereno na may kinalaman si Pangulong Rodrigo Duterte sa pagkakatanggal niya sa puwesto.
