Pabirong pinahapyawan ni Pangulong Rodrigo Duterte si Energy Secretary Alfonso Cusi na maaari na itong magretiro dahil sa pagiging bilyonaryo.
Ayon kay Pangulong Duterte, sa nakita niyang SALN ng kalihim, hindi na nito kailangan pang magtrabaho para lamang kumita ng pera.
Wala namang nakitang pagkakamali ang punong ehekutibo sa SALN ni Cusi dahil kilala na aniya itong mayamang negosyante bago pa man naging opisyal ng gobyerno.
Batay sa lumabas na 2017 Statement of Assets and Liabilities ni Cusi, pangalawa ito sa pinakamayamang miyembro ng gabinete ni Pangulong Duterte na may networth na P1.3-B.
