Patay sa pamamaril ang isang barangay chairman mula sa San MATEO, RIZal matapos pagbabarilin ng riding in tandem sa Antipolo City.
Kinilala ang biktima na si Chairman Danilo Laciste, 62-anyos.
Ayon sa mga awtoridad, papauwi na sana si Laciste bandang tanghali, matapos ipagawa ang sasakyan ng barangay nang pagbabarilin ito ng hindi pa nakikilalang mga suspek sa kahabaan ng barangay Inarawan sa Antipolo City.
Nabatid na tumatakbo sa barangay elections ang misis ni Laciste.
Dahil dito tinitingnan ng mga awtoridad ang anggulong may kinalaman sa halalan ang motibo ng mga suspek sa pamamaslang.
—-
