Gumugulong na ngayon sa Kamara ang pagtalakay ng House Committee on Welfare of Children sa panukalang pagbabawal sa pagpapasok sa bansa ng mga child-sex offenders
Nakasaad sa House Bill 6257 ang pagbibigay ng impormasyon ng mga konsulado, embahada at foreign affairs divisions sa mga crime records ng mga indibidwal na sangkot sa pang-aabuso sa mga kabataan.
Ayon kay Parañaque 1st District Congressman Eric Olivarez may-akda ng nasabing panukala, layon umano nitong bigyan ng mas maigiting na proteksyon ang nga kabataan sa Pilipinas laban sa mga pang-aabuso at mailayo sa mga dayuhang child sex-offenders
Bukod dito, sa ganitong paraan din aniya may madaling mahuhuli at mapapanagot ang mga nasa likod ng mga krimen ng child molestation, rape at iba pang uri ng child abuse.
—-