Patay ang isang tripulante samantalang apat pa ang nawawala matapos sumiklab ang sunog sa isang container van habang naglalayag sa Arabian Sea.
Sa dalawampu’t pitong (27) tripulante ng barko, siyam rito ang kumpirmadong mga Pilipino.
Gayunman, tumanggi ang pamunuan ng Maersk Line na sabihin kung ano ang nasyonalidad ng apat na nawawala subalit naipagbigay alam na di umano ito sa kanilang mga pamilya.
Sa 27 tripulante, 23 rito ang nailigtas subalit nasawi dahil sa injury ang isang Thai national.
Patuloy pa ring iniimbestigahan ang sanhi ng sunog.
—-
