Mahigit 26,000 passport applicants na ang naserbisyuhan ng Passport On Wheels (POW) simula pa noong Enero.
Ayon sa Department of Foreign Affairs o DFA ang POW ay nakadalaw na sa 12 lungsod, walong bayan at isang ahensya ng gobyerno.
Samantala ang mobile passport service ng DFA-Office of Consular Affairs ay nakatanggap ng mahigit 12,000 passport applications mula sa 16 lugar sa unang dalawang buwan ng taong ito.
Halos 4,000 passport applications naman ang tinanggap ng DFA-OCA sa ASEANA sa Paranaque City matapos magbukas ng tanggapan tuwing araw ng Sabado.
Kasabay nito ipinabatid ng DFA ang pagbubukas ng walong consular offices sa ilang lungsod at lalawigan dahil sa dagsa ng application para sa 10 year passport validity.
RPE
