Mismong si COMELEC Spokesman James Jimenez ang nag imbestiga sa sinasabing 275 flying voter na sinasabing ginagamit ang LRT station bilang address.
Pinuntahan ni Jimenez ang 2802 Taft Avenue kung saan matatagpuan ang EDSA LRT station.
Nilibot ni Jimenez ang buong istasyon ng tren ngunit wala siyang nakitang mga nakatira dito bagkus sa hindi kalayuang iskinita ay nakita niya ang hilera ng mga bahay na may numerong 2802 – A, 2802 – B at iba pa.
Dahil dito, naniniwala si Jimenez na hindi in bad faith ang pag tukoy ng mga residente sa kanilang address sa LRT.
Aniya, ang usapin dito ay hindi sa rehistro ng mga botante sa COMELEC kundi usapin sa tunay na nagma may ari ng lugar.
Matatandaang isang negosyante ang siyang nagsampa ng reklamo sa COMELEC dahil umano sa higit dalawang daang (200) botante na mayroong non – existent voter’s address.
