Imbitado ang lahat ng miyembro ng all girl group na Spice Girls sa kasal nina Prince Harry at fiance nito na si Meghan Markle sa May 19.
Ito ang kinumpirma mismo ng isa sa miyemrbo ng Spice Girls na si Mel B sa kanyang guesting sa isang talk show sa Amerika.
Lalo ding lumakas ang espekulasyong posibleng mag-perform ang grupo sa mismong royal wedding nang magbiro si Mel B na mawawala siya ng trabaho kapag nagbigay pa ng detalye kaugnay ng pagdalo ng Spice Girls sa nasabing royal wedding.
Hindi na rin nagbigay ng detalye pa si Mel B nang tanungin naman tungkol sa itsura ng imbitasyon na kanilang natanggap.
Una rito, kinumpirma na ng Spice Girls ang niluluto nilang bagong proyekto na muli nilang pagsasamahan simula noong 2012.
Nagpost pa noong ng reunion photo ng Spice Girls ang isa pang miyembro nito na si Geri Haliwell o Ginger Spice.
Ang Spice Girls ay binubuo nina Mel B o Scary Spice, Geri Haliwell o Ginger Spice, Emma Bunton o Baby Spice, Melanie Chisholm o Sporty Spice at Victoria Beckham o Posh Spice.
—-
