Maraming programa ang ikinakasa ng pamunuan ng Caloocan City Police.
Tiniyak ito ni Caloocan City Police Director Senior Superintendent Jemar Modequillo kaya’t natutuwa siya sa pagkakadeklara rito bilang most trusted police station sa 2017 survey ng National Police Commission o NAPOLCOM.
Sinabi sa DWIZ ni Modequillo na mahigpit ang pagpapatupad nila ng disciplined zones sa buong lungsod.
“Yung mga kaukulang kalye ay maging maayos para maipakita natin ang isang maayos na environment, dito sa atin nag-start na tayo ng disciplined zone with the coordination of our local government units (LGUs), tapos yung mga basic trainings natin, nagko-conduct tayo ng training lalo sa mga mobile natin, kung saan kung may mga aksidenteng mangyayari ay mga Kapulisan na natin ang reresponde.” Pahayag ni Modequillo
Matatandaang umani ng batikos ang mga miyembro ng Caloocan PNP matapos na masangkot sa mga kaso ng pagkamatay ng mga kabataan, ilan na nga dito ay sina Kian delos Santos at Carl Angelo Arnaiz.
Setyembre noong nakaraang taon nang sibakin ang buong Caloocan Police dahil na rin sa mga nasabing kontrobersya.
“Noong ginawa ang survey bago na po ang mga tao natin dito sa Caloocan Police, we cannot please all, may mga nagtataka talaga pero sana bigyan ng puwang ang ating mga Kapulisan.” Pahayag ni Medoquillo
(Balitang Todong Lakas Interview)