Sinusuyo na ng Ateneo Blue Eagles si Ricci Rivero na lumipat sa kanilang koponan
Ayon ito sa source ng sports website na spin.ph, matapos kumpirmahin ng La Salle na nag-leave sina Ricci at Prince Rivero maging si Brent Paraiso sa Green Archers dahil sa mga kontratang kailangang asikasuhin ng mga ito, bagay na ipinagbabawal ng unibersidad sa kanilang mga manlalaro.
Interesado din ang University of Santo Tomas o UST kay Ricci.
Sa kabila nito, nilinaw ng La Salle na naka-enroll pa rin sa kanila ang Rivero brothers at si Paraiso.
