Iniimbestigahan na ng pamunuan ng Metro Rail Transit Line-3 ang pag-usok ng isa sa mga tren nito sa pagitan ng Cubao at GMA-Kamuning Stations, sa Quezon City, kahapon.
Ayon kay MRT-3 Director for Operations Mike Capati, batay sa kanilang inisyal na pagsisiyasat, nagmula sa regulator board ang usok.
Tiniyak naman ni Capati na gumagawa na sila ng mga paraan upang matuldukan na ang walang humpay na aberya sa MRT.
Samantala, muling humingi ng paumanhin ang MRT-3 management sa daan-daang pasaherong naapektuhan ng matapos ang panibagong aberya.
—-
