Iginiit ng Malakaniyang na dumaan sa ligal na hakbang ang pagbibigay pahintulot ng pamahalaan sa mga mananaliksik mula sa China para magsagawa ng kanilang pag-aaral sa Philippine Rise na kilala rin bilang Benham Rise.
Ito’y ayon kay Presidential Spokesman Harry Roque ay dahil sa nakatugon naman aniya ang mga eksperto mula sa Chinese Academy of Science Institute of Oceanology sa mga hinihinging rekesitos o requirements ng pamahalaan.
Kabilang na rito aniya ang pagkakaroon ng kinatawan ng Pilipinas sa barko ng China at ang pagbabahagi nito sa pamahalaan ng mga naging resulta ng isinagawa nilang pag-aaral o pananaliksik.
Giit pa ng kalihim, hindi dapat i-ugnay ang usapin sa naging panalo ng Pilipinas sa International Court of Arbitration sa “The Hague”, Netherlands dahil hindi naman aniya kasama sa pinag-aagawang teritoryo ang Benham Rise.
