Tuluyan nang nangulelat ang Los Angeles Lakers sa Western Conference Division ng 2017 – 2018 NBA regular season.
Ito ay makaraang maitala ng Lakers ang kanilang ika – 7 sunod na pagkatalo matapos ilampaso ng Minnesota Timberwolves sa iskor na 114 – 96.
Halos hindi nakapalag ang LA sa homecourt ng Timberwolves bunsod ng matinding opensa sa pamamagitan ng 28 points at 9 assists ni Jimmy Butler para sa Minnesota.
Nagpakawala naman ng 20 points at 4 assists ang Filipino – American player ng Lakers na si Jordan Clarkson.
Nakapako sa 11 wins at 25 losses ang kartada ng Lakers at nasa ika – 15 puwesto.
