Isa pang presidential appointee ang sinibak ni Pangulong Rodrigo Duterte sa puwesto.
Sa ipinalabas na kalatas ng Malakanyang na may lagda ni executive Secretary Salvador Medialdea, ipinag – utos ng Pangulo ang agarang pagbakante ni Development Academy of the Philippines (DAP) President at CEO Elba Siscar Cruz sa kanyang posisyon.
Ipinag – utos din ng Pangulo ang pag – turn over sa lahat ng mga dokumento at properties ng DAP na hawak ni Cruz para maiwasan ang anumang pagkakaantala sa operasyon ng nasabing ahensiya.
Si Cruz ay itinalaga ni Pangulong Duterte noong Marso na nagtapos ang termino noong Hunyo subalit nagpatuloy pa sa puwesto dahil sa holdover capacity na ipinagkaloob dito.
