Bibida sa isang play sa Hong Kong Disneyland ang itinanghal na Grand Champion noong 2004 sa talent reality show na Born Diva na si Raki Vega.
Si Raki ang isa sa lead cast ng Mickey and the Wondrous Book kung saan siya ang kumanta ng theme song ng “Happily Ever After” ng Hong Kong Disneyland para sa ika – 10 anibersaryo nito.
Kwento ni Raki, pitong (7) taon na siyang nagta – trabaho sa Disneyland matapos niyang subukang mag – audition noon dito sa Maynila.
Sa ngayon ay masaya na aniya siya sa kanyang pananalagi sa Hong Kong kasama ang kanyang asawa at apat na buwang gulang na anak.
Matatandaang si Raki ang umawit ng “Ikaw Ang Aking Pangarap”, ang theme song ng fantaseryeng “Lobo” noong 2008 kasama si Martin Nievera.
