Tinangkang lumabas ng bansa ng Chinese Owner ng Hong-Fei Logistics company na sangkot umano sa 6.4 billion Peso shabu shipment.
Naharang sa departure ng mga Immigration Officer si Richard Tan o Richard Chen na kilala rin bilang Chen Ju Long sa Ninoy Aquino International Airport sa Pasay nang tangkaing bumiyahe patungong China, kahapon.
Kinumpirma ni Immigration Spokesperson, Atty. Antonette Mangrobang na sasakay sana ng China Eastern Air Flight 5046 patungong Shanghai si Chen.
Sa halip ay pinakuha si Tan ng allow departure order sa Department of Justice.
Magugunitang kabilang si Chen sa isinailalim sa lookout bulletin order ng DOJ dahil sa pagkakasangkot umano nito sa illegal drug shipment noong Mayo.
