Inamin ni Pangulong Rodrigo Duterte na pagod na siya at hindi na siya masaya sa mga gawain niya bilang presidente.
Sa kabila nito, iginiit ng Pangulo na tatapusin niya ang kaniyang termino at hindi siya magbibitiw sa puwesto.
Ayon kay Pangulong Duterte, layunin niyang manilbihan nang buong termino sa tulong ng gabay ng Panginoon at ni Allah upang maibigay ang mga ipinangako sa mga Pilipino.
Nakapapagod na aniya ang dami ng trabaho niya pero sapat na ang dahilan na marami pa siyang problemang kailangang ayusin upang magpatuloy siya sa kaniyang mandato.
Bagaman ipinaliwanag ng Punong Ehekutibo na batid niya kung gaano kabigat ang trabaho bilang Pangulo, mahirap pa rin itong makasanayan.
—-
