Halos animnapung (60) katao ang patay sa dalawang pagsabog sa eastern Iraq.
Ayon kay Mohammed Al – Tamimi, hepe ng Diyala Police, nakisabay sa isang wedding motorcade ang suspek dahilan para ito ay makapuslit sa checkpoint.
Matapos makalagpas sa check point, kumalas sa motorcade ang suspek, at saka pinasabog ang sarili sa isang palengke sa Huwaidar.
Kasunod nito ay isang pagsabog din ang naganap sa Baquba, kung saan ang tinarget naman ay ang checkpoint na binabantayan ng mga army at volunteers mula sa Shi’ite Militias.
Ang pag-atake ay inako na ng Islamic State.
By Katrina Valle
