Hindi natinag si Iloilo City Mayor Jed Patrick Mabilog sa ginawang pag-wire tapped sa kanya ni Pangulong Rodrigo Duterte.
Kasunod ito ng pag-amin ng Pangulo na kanyang iniutos na ipa-wiretapped ang mga narco-politicians kabilang na si Mabilog.
Giit ni Atty. Mark Piad, abogado at tagapagsalita ni Mabilog hindi nila kailangan matakot sa pag-wiretapped ng Pangulo dahil hindi pa nito napatutunayan kung talagang sangkot sa operasyon ng iligal na droga si Mabilog.
Ayon kay Piad, nakahanda ang alkalde na harapin ang anumang kaso na isasampa ng administrasyon.
Si Mabilog ay kasalukuyang nasa ibang bansa matapos mag-file ng sick leave at inaasahang babalik ng bansa sa katapusan ng buwan.
