Pinalawig pa ni US President Donald Trump ang ipinatutupad nitong travel ban.
Ito ay matapos mag-expire ngayong araw ang inisyung travel ban ni Trump noong Marso.
Natira sa listahan ng mga bansang pinagbabawalang makapasok sa Estados Unidos ay ang Libya, Syria, Yemen at Somalia.
Maliban dito, isinama na rin ni Trump sa naturang travel restriction ang North Korea, Venezuela at Chad.
Giit ni Trump, seguridad ng Estados Unidos ang pangunahing prayoridad ng kanilang pamahalaan kayat hindi aniya maaaring makatapak sa kanilang bansa ang ibang lahing may malaking banta para sa kanilang kaligtasan.
—-
