Humingi ng ‘benefit of the doubt’ si Foreign Affairs Secretary Alan Peter Cayetano sa United Nations kaugnay sa kampanya ng Pilipinas kontra iligal na droga.
Sa talumpati ni Cayetano sa general assembly ng United Nations sa New York, iginiit nitong walang nilalabag na karapatang pantao ang administrasyong Duterte.
Ani Cayetano , dapat pagtuunan din ng pansin ang mga balita sa bansa tungkol sa mga biktima ng mga drug-addict at huwag basta-basta maniniwala sa mga maling impormasyon at fake news na kumakalat kaugnay sa war on drugs.
Binigyang diin pa ni Cayetano na kailangan ang ‘stern measures’ para sa mga sangkot sa drug trafficking bagaman sumusunod pa rin ito sa rule of law.
Lumalabas sa datos noong August 2017, 59 na porsyento ng mga barangay sa bansa ang sangkot sa illegal drug trade habang apat hanggang Pitong Milyong Pilipino naman ang gumagamit ng iligal na droga.
SMW: RPE
