Apat pang mga bagong pangalan ang isinama ng DOJ o Department of Justice sa kanilang ipinalabas na panibagong ILBO o immigration lookout bulletin order.
Ito ay kaugnay sa kaso ni UST Law student Horacio Castillo III na hinihinalang biktima ng hazing.
Sa bagong memorandum na ipinalabas ni Justice Secretary Vitaliano Aguirre, idinagdag nito sa ILBO sina Ged Villanueva, Milfren Alvarado, Daniel Ragos at Dave Felix.
Gayundin nagkaroon ng pagwawasto sa baybay ng pangalan nina Mhin Wei Chan at Axxel Munro Hipe na kabilang sa mga naunang listahan ng mga isinailalim sa lookout bulletin.
Sa kasalukuyan ay nasa 20 na ang kabuuang bilang ng mga indibiduwal na inilagay sa lookout bulletin ng DOJ dahil sa hinihinalang pagkakasangkot sa pagkamatay ni Castillo.
—-
