Kinontra ng Malakaniyang ang hirit na Parliamentary Immunity ni House Majority Leader at Ilocos Norte Rep. Rudy Fariñas para sa mga Kongresistang masasangkot sa traffic violation.
Ayon kay Presidential Spokesman Ernesto Abella, ayaw ni Pangulong Rodrigo Duterte na mabigyan ng special na pagtrato ang mga opisyal ng pamahalaan kaya’t dapat tularan ito ng mga mambabatas.
Iniiwasan din aniya ng Pangulo na gumamit ng convoy sa mga pangunahing lansangan sa Metro Manila dahil ayaw nitong maka-abala sa daloy ng trapiko at maka-perhuwisyo sa mga motorista at ordinaryong Pilipino.
Ulat ni Jopel Pelenio / Aileen Taliping
SMW: RPE
