Hindi naging maganda ang naging reaksyon ng fans ng KathNiel o tambalang Kathryn Bernardo at Daniel Padilla sa pagbabalik ng Kapamilya actress na si Angel Locsin sa ABS-CBN primetime series na La Luna Sangre.
Ayon sa tweet ng isang fan, baka isipin umano ng manonood na hindi kaya ng KathNiel ang primetime series kaya bumalik si Angel.
Malumanay naman itong sinagot ni Angel.
Ani Angel, noong pilot ng La Luna Sangre ay sobrang nagpapasalamat ang fans ng KathNiel sa kanya sa pagsuporta nito sa love team, ngunit bakit daw galit na galit ang KatNiel fans sakanya ngayon.
Dagdag na tanong ni Angel, lahat daw ba nang nakakasama ng KathNiel ay binabash ng fans nito?
Ayon pa sa isang tweet ng KathNiel fan, walang isang salita si Angel dahil sinabi umano nito na ipapasa na ni Angel ang La Luna Sangre sa KathNiel.
Tugon naman ni Angel, hindi siya ang management at empleyado lamang siya.
Sa pilot week ng La Luna Sangre noong Hunyo 2017 ay napanood sina Angel at John Lloyd Cruz bilang special appearance.
Gayunman, pagkatapos ng unang linggo ng naturang serye ay namatay ang mga karakter nina Angel at John Lloyd.
Ngunit, nito lamang Miyerkules ay nagbalik si Angel sa La Luna Sangre bilang si Jacintha Magsaysay.
