Isa pa umanong bigtime drug lord ang napatay sa police operations sa Southern Leyte.
Kinilala ang suspek na si Gilbert Dagting, 35-anyos, na kabilang sa listahan ng mga bigtime drug personality sa bayan ng Sogod.
Ayon kay Chief Inspector Delfin Tan, hepe ng Sogod Drug Enforcement Team, isinagawa ang buy-bust operation sa Barangay Salvacion pero nakatunog si Dagting na mga pulis ang ka-transaksyon kaya’t bumunot ito ng baril.
Isa aniya si Dagting sa mga sumuko sa ilalim ng Oplan Tokhang pero ipinagpatuloy ang pagbebenta ng shabu batay sa test buy na isinagawa ng mga pulis bago ang operasyon.
By Drew Nacino
SMW: RPE
