Nakatakdang ilunsad ngayong linggo ng MMDA o Metro Manila Development Authority ang shopper’s lane map.
Ito’y upang maging gabay ng publiko na pupunta sa mga mall nang hindi na kailangan pang dumaan sa kahabaan ng EDSA.
Ayon kay Celine Pialago, tagapagsalita ng MMDA, ang shopper’s lane ay bahagi ng kanilang paghahanda ngayong papalapit na ang holiday season.
Kasunod nito, ibinabala ni Pialago ang mas matinding daloy ng trapiko ngayong nagsimula na ang ber months dahil sa kabi-kabilang repair works na isasagawa.
Gayunman, tiniyak ni Pialago ang pagsasagawa nila ng mga hakbang upang maibsan ang kalbaryo ng mga motorista.
By Jaymark Dagala
