Patay ang dating City Prosecutor matapos tambangan kaninang alas 10:00 ng umaga ng hindi pa nakikilalang mga lalaki sa harap ng Neptali Gonzales High School sa Barangay Mauway, Mandaluyong City.
Kinilala ang biktima na si Pablito Gahol na isa ring dating kapitan ng Barangay Mauway.
Batay sa inisyal na imbestigasyon, galing sa simbahan si Gahol kasama ang misis nito habang sakay ng kanilang sasakyan ng tambangan ng mga armadong katao.
Idineklarang dead on arrival si Gahol ng dalhin sa Victor Potenciano Medical Center samantalang nakaligtas naman ang misis nito.
Patuloy ang isinasagawang imbestigasyon ng Mandaluyong PNP hinggil sa nangyaring insidente.
By: Arianne Palma
SMW: RPE
