Patay ang isang hinihinalang drug dealer matapos makipagbarilan sa mga pulis sa Pozorrubio, Pangasinan kagabi.
Isinigud pa sa ospital ang suspek na kinilalang si Dodoy Esperanza subali’t ideneklara nang dead on arrival.
Ayon sa mga otoridad, unang pinaputukan ni Esperanza ang mga pulis matapos na mabigong makatakas nang mawalan ng kontrol sa minamanehong motorsiklo.
Natunugan umano ni Esperanza na mga pulis ang kanyang ka-transaksyon kaya tinangka nitong tumakas.
Nakuha naman sa bulsa ng suspek ang dalawang sachet ng hinihinalang shabu.
