Hinimok ng Pangulong Rodrigo Duterte ang publiko na sumunod sa batas sa paglaban sa kaguluhan sa bansa.
Sa kanyang mensahe para sa National Heroes Day bukas, sinabi ng Pangulo na dapat tularan ng mga Pilipino ang mga bayani sa pamamagitan ng pagsunod sa batas, pagtatanggol sa bansa at pagtulong sa kapwa.
Dapat din anyang labanan ng mga Pilpino ang kahirapan, krimen at kaguluhan sa bansa.
Ayon sa Pangulo, habang buhay dapat pasalamatan ang mga bayani ng Pilipinas na naglaan ng kanilang buhay para matiyak na magkakaroon ng maginhawang buhay ang mga susunod na salinlahi.
By: Jonathan Andal
SMW: RPE
