Kalaboso ang inabot ng mag-live-in partner na sina Arnel Tesoro at Moana Jasmine Mina, pati ang dalawang sinasabing kasamahan nila sa pagtutulak ng droga, matapos ang ikinasang buy-bust operation sa Barangay 61, Pasay City.
Nakuha mula sa mga suspek ang limang milyong pisong halaga ng hinihinalang shabu na lampas isang kilo ang timbang, pinatuyong dahon ng marijuana at drug paraphernalia.
Mariin namang itinanggi ni Tesoro alyas ‘Lucky’ na pag-aari niya ang drogang nakumpiska mula sa kanyang bahay.
Ayon kay Chief Inspector Jerry Amindala ng Southern Police District (SPD) Drug Enforcement Unit, ang mga nahuli ang sinasabing nagpapatuloy sa bentahan ng iligal na droga sa lugar.
