Hindi pa malinaw kung sangkot nga talaga sa mga kaso nang pagpupuslit ng mga kontrabando sa Bureau of Customs si Davao City Vice Mayor Paolo Duterte.
Ayon ito kay Senador Panfilo Lacson kayat dapat tanungin si Mark Taguba kung bakit nito nabanggit si Paolo at alamin dito kung may personal ito o direktang transaksyon sa Vice Mayor o sinumang malapit dito.
Sinabi ni Lacson na sa ngayon ay wala pang basehan para ipatawag si Vice Mayor Duterte subalit kaagad itong iimbitahan sa pagdinig kung may batayan naman para humarap ito sa Senado.
Target ni Senate Blue Ribbon Committee Chair Richard Gordon na tapusin ngayong buwan ang imbestigasyon sa kontrobersya sa Customs at tiyak na umano ang rekomendasyong magpatupad ng major revamp sa ahensya.
By Judith Larino / (Ulat ni Cely Bueno)
