Inaprubahan ng Sandiganbayan ang kahilingan ni dating First Gentleman Mike Arroyo na makalabas ng bansa.
Sa desisyon ng 7th Division ng Sandiganbayan, pinayagan si Arroyo na makapunta ng Taipei, Taiwan mula 25 hanggang 28 ng Agosto.
Gayundin, sa tatlong bansa sa Europa mula Setyembre 10 hanggang Oktubre 6.
Hindi naman inilahad ni Arroyo sa kanyang mosyon ang dahilan ng kanyang pagpunta ng Taiwan at Europa.
Matatandaang nahaharap sa kasong katiwalian si dating First Gentleman Arroyo dahil sa maanomalyang pagbili ng tatlong choppers ng PNP o Philippine National Police.
