Isang dating media man at negosyante ang patay matapos tambangan ng mga hindi nakilalang lalaki sa San Juan City, kagabi.
Kinilala ni Eastern Police District Director, Chief Supt. Romulo Sapitula ang negosyanteng si Christopher Marasigan at kapatid nitong si Mike, isang dating public relations officer at editor ng pahayagang Business World.
Ayon kay Sapitula, binabagtas ng mga biktima ang V. Cruz kanto ng Barcelona Street lulan ng gray Mazda CX-5 na may plakang PN-WOU 583 nang pagbabarilin ng riding-in-tandem dakong alas-6:00.
Dead-on-the-spot si Mike habang isinugod sa San Juan Medical Hospita si Christopherl subalit hindi na umabot ng buhay.
Inaalam na ang motibo sa krimen at sino ang posibleng nasa likod nito.
By Drew Nacino
