Natupad na ang birthday wish ni Gilas Pilipinas Head Coach Chot Reyes na makumpleto ang line up ng team sa kanilang practice bilang paghahanda sa 2017 FIBA Asia Cup at 2017 Southeast Asian o SEA Games.
Sa kauna-unahang pagkakataon, sumipot ang lahat ng player sa practice game sa Meralco Gym, kahapon.
Present sa ensayo si Calvin Abueva na ilang araw ng hindi sumisipot sa mga practice game.
Kabilang din sa mga nag-ensayo sina June Mar Fajardo, Jayson Castro, Terrence Romeo, Gabe Norwood at Japeth Aguilar.
Gaganapin ang 2017 FIBA Asia Cup sa Beirut, Lebanon sa Agosto 8 hanggang 20 habang sa Agosto 19 hanggang 30 idaraos ang 24th SEA Games sa Kuala Lumpur, Malaysia.
By Drew Nacino
