Nananatiling ‘open close’ situation sa ilang pangunahing kalsada sa Cordillera Region.
Kabilang dito, ayon sa Maintenance Division ng DPWH-Cordillera ang Tabuk Banawe Road partikular sa Dumay Section, Tanundan at Talubin Barlig Natonin Paracelis Calacad Road sa Balabag Junction.
Ipinabatid din ni Mayor Caesar Molitas ng Kibungan, Benguet ang ‘open close’ situation ng kalsada patungong Ampusongan, Bakun dahil pa rin sa pagguho ng lupa sa Tabbac area.
Umapela naman ang DPWH Cordillera sa mga motoristang dumadaan sa Kennon Road paakyat ng Baguio na dumaan muna sa Marcos Highway o Naguilian Road.
Kasunod na rin ito ng posibleng pagguho ng lupa at bato sa Kennon Road lalo na’t patuloy pa ang pag-ulan.
Pinayuhan din ng ahensya ang mga motorista na maging maingat.
By Judith Larino
