3 suspek ng ‘rent sangla’ nasakote ng MPD

Nasakote ng anti-carnapping unit ng MPD o Manila Police District ang tatlong (3) suspek na sangkot sa ‘rent sangla’ scam.

Ayon kay MPD Director Chief Supt. Joel Coronel, kinilala ang mga naaresto na sina Daniel Samonte at kasamahang si Carmina Abo, at isa pang Maria Soccoro Garcia.

Batay sa reklamo ng biktimang si Maricar Rodriguez, Hulyo 22 ng rentahan nina Samonte at Abo ang kanyang sasakyang Toyota Vios pero hindi na ibinalik.

Naaresto naman ang dalawang suspek nang tangkaing isangla ang sasakyan ni Rodriguez gamit ang mga pekeng dokumento.

Samantala, ang isa pang suspek na si Garcia ay naaresto sa isang casino sa Ermita matapos hindi ibalik ang isang black Hyundai na kanyang nirentahan.

By Krista de Dios   

Comments

comments