Inilabas na ang unang pasilip sa inaabangang pelikula ng pagbabalik-tambalan nina John Lloyd Cruz at Sarah Geronimo, ang ‘Finally Found Someone’.
Sa movie teaser makikita ang karakter ni Sarah na heartbroken matapos iwan sa altar ng kanyang minamahal habang mapagkakamalan naman niyang kanyang dating fiance ang karakter ni John Lloyd sa harap ng maraming tao.
Huling nagkasama sa isang movie project ang dalawa apat na taon na ang nakalipas.
Nilinaw din na ang ‘Finally Found Someone’ na may unang working title na ‘Dear Future Husband’ ay hindi konektado sa nauna nang trilogy romance movies ng tambalan na ‘A Very Special Love’ noong 2008, ‘You Changed My Life’ noong 2009 at ‘It Takes a Man and a Woman’ noong 2013.
“Para sa mga naghahanap pa…” mapapanood na ang pelikula sa mga sinehan sa July 26 sa direksyon ni Theodore Boborol.—AR
PANOORIN:
Photo: starcinema / Instagram
