Isang bagong panganak na sanggol na nakasilid sa isang trash bag ang inabandona sa loob ng palikuran sa NAIA Terminal 1.
Ayon kay MIAA General Manager Ed Monreal, dakong 10:30 ng umaga nang makita ng isang airport janitress ang isang babaeng naghuhugas ng panyo at bumalik sa loob cubicle bago umalis ng paliparan.
Anya, nang linisin na ng nasabing janitress ang cubicle, dito niya na nakita ang isang trash bag na naglalaman ng isang sanggol.
Agad namang dinala sa Airport Terminal 1 Clinic ang nakitang sanggol bago isinugod sa San Juan De Dios Hospital.
Sa inisyal na impormasyon, nabuhay ang natagpuang sanggol.
Kasunod nito, ipinag-utos na rin ni Monreal ang pagsasagawa ng malalimang imbestigasyon sa pangyayari kasabay ng panawagan sa ina ng natagpuang sanggol na balikan ang kanyang anak.
By Krista De Dios | With Report from Raoul Esperas
