Unti-unti nang naibabangon ni Nonito The Filipino Flash Donaire ang kaniyang karera sa larangan ng boksing.
Ito’y makaraan ang matagumpay na pagpapabagsak sa ikalawang round kay Anthony Settoul nitong Sabado ng gabi.
Ayon kay Nonito, maliban sa kaniyang tatak na left hook punch, nagagamit na rin niya ngayon ang kaniyang kanang kamay sa pagsuntok.
Magugunitang nakalasap ng pagkatalo si Donaire mula sa kamay nila Guillermo Rigondeaux at Nicholas Walters.
Kasunod nito, hinamon ni The Filipino Flash si WBA Regular Titleholder na si Scott Quigg para makaharap sa kaniyang susunod na laban.
By Jaymark Dagala
