Kinansela ng French Embassy ang pagbubukas ng French Film Festival sa Taguig City dahil sa usaping panseguridad.
Ayon sa embahada, hindi muna nila itutuloy ang red carpet opening night ng 22nd French Film Festival na gaganapin sana sa Huwebes ng gabi sa Central Square sa Bonifacio Global City.
Gayunman, ipinabatid ng French Embassy na tuloy naman ang regular screenings ng mga kalahok na pelikula mula June 9 hanggang 17 sa mga sinehan sa Makati at Taguig.
Magugunitang isa ang France sa kaagad na nagpalabas ng advisory sa kanilang mamamayan na umiwas sa palibot ng Resorts World Manila sa Pasay City at mga kalapit na lugar matapos ang pag-atake sa nasabing hotel – casino.
By Judith Estrada – Larino
Photo Grabbed: French Embassy Manila Facebook Page