Sasagutin ng Russian government ang gastos sa limang (5) araw na state visit sa Moscow ni Pangulong Rodrigo Duterte.
Ito ang nilinaw ng Office of the Presidential Protocol at Department of Foreign Affairs-Protocol Office.
Kabilang sa babalikatin ng gobyerno ng Russia ang hotel accommodation at mga sasakyang gagamitin pagdating sa Moscow.
Gayunman, may opsyon ang Philippine delegation kung nais nitong gumamit ng iba pang sasakyan na inihanda ng host country.
Sa ngayon ay wala pang inilalabas na listahan ang Malakanyang sa magiging official delegation ng Pangulo sa kanyang biyahe patungong Moscow, Russia.
By Drew Nacino | With Report from Aileen Taliping
