Tinapos na ng Philippine Coast Guard (PCG) ang search operations nito sa mga nawawala pang pasahero ng MB Kim Nirvana.
Limang araw ito matapos mangyari ang nasabing trahedya na ikinasawi ng 61 katao.
Gayunman, sinabi ng National Disaster Risk Reduction and Management Council (NDRRMC) na patuloy pa rin nilang imo-monitor ang sitwasyon kasama ang Coast Guard.
Ipinabatid pa ng NDRRMC na nai-biyahe na patungong Pilar, Camotes ang tinatayang 35 labi.
Samantala, tuluy-tuloy naman ang isinasagawang psycho-social intervention ng Ormoc City Health Office sa mga nasagip na pasahero.
By Judith Larino
