Hinigpitan ng Philippine Coast Guard o PCG ang seguridad sa Calamian Islands sa Palawan kasunod ng banta ng ASG o Abu Sayyaf Group.
Ito’y matapos makatanggap ng intelligence report ang Western Command ng Armed Forces of the Philippines o AFP na patungo na umano sa Palawan ang ASG.
Ayon kay Lt. Commander Adrian Vargas ng Coron Coast Guard, tuloy-tuloy ang koordinasyon nila sa buong pwersa ng gobyerno at patuloy ang pangangalap nila ng intelligence reports sa buong isla ng Busuanga.
Sinabi ni Vargas na inabisuhan na rin nila ang bawat resort sa Palawan na maghigpit din ng seguridad.
Sa ngayon aniya ay walang indikasyon na nasa Palawan na ang nasabing bandidong grupo.
By Meann Tanbio
