Ginagamit na ngayon ang mga asawa ng inmates para magpasok ng droga sa New Bilibid Prison o NBP.
Ayon kay Bureau of Corrections o BuCor Director General Atty. Benjamin Delos Santos, ito ang bagong modus ngayon ng pagpapasok ng mga kontrabando sa Bilibid.
Nilalagay umano sa loob ng katawan ng mga asawang babae ang droga dahil sa madaling makakalusot ang mga ito lalo’t hindi naman ito nade-detect sa pamamagitan ng ordinaryong screening at pagkakapkap ng mga otoridad.
Dahil dito, naghigpit na ang BuCor sa mga pumapasok na bisita ng mga preso sa Bilibid.
By Ralph Obina
