Itinakda na ng DEPED o Department of Education ang pagbubukas ng klase mga pampublikong paaralan sa Elementarya, Junior at Senior Highschools sa Hunyo 5.
Ayon kay DEPED Assistant Secretary Tonisito Umali, bago ang pasukan ay magsasagawa muna ng Oplan Balik Eskwela at magtatayo rin ng public assistance stations simula Mayo a-bente nwebe hanggang Hunyo a-disi sais para matiyak ang maayos na pagbubukas ng klase.
Tinatayang 25 milyong mag-aaral ang inaasahang magbabalik eskwela sa Hunyo kasama ang mga grade 12 students na magiging unang batch ng mga graduate ng Senior High School Program.
Samantala, maari naman magtakda ng sariling schedule para sa class opening ang pribadong paaralan, anumang petsa sa pagitan ng Hunyo at Agosto.
By: Katrina Valle
