Nanawagan si Senate Committee on Ways and Means Chairman Sonny Angara sa publiko na huwag nang hintayin ang April 17 deadline na itinakda ng BIR o Bureau of Internal Revenue sa pagpa-file ng income tax para sa taong 2016
Paalala ng Senador, posibleng maharap sa penalty na 20 porsyentong interes kada taon at karagdagang 25 porsyento na surcharge sa tax due ang sinumang hindi makapaghain ng kanilang ITR o Income Tax Return sa nasabing petsa
Kasabay nito, hinimok din ni Angara ang BIR o Bureau of Internal Revenue na gawing mabilis at kumbinyente para sa mga tax payers ang paghahain ng ITR upang mabigyan ng pagkakataon na ayusin at maitama iyon gayundin ay maiwasan ang penalty
Magugunitang ini-urong BIR ang deadline na April 15 sa pagbabayad ng ITR dahil natapat iyon ng Sabado de Gloria na deklarado bilang Special Non Working Holiday
Kaugnay nito, isinusulong din ni Angara ang Senate Bill 131 na naglalayong makapagtayo ng tax payer assistance service sa BIR na siyang sasagot sa lahat ng katanungan hinggil sa tax related concern ng publiko.
By: Jaymark Dagala / Cely Bueno
