Maituturing ng “international armed conflict,” ang nangyayari sa Syria.
Ito ay ayon sa International Committee of the Red Cross, matapos iutos ni US President Donald Trump ang missile strike sa Syrian Airbase kung saan umano nag take-off ang eroplanong nagsagawa ng chemical attack nitong linggo na ikinasawi ng higit sa pitumpu (70) kabilang ang mga bata.
Pinakawalan ng Amerika ang cruise missiles nito mula sa dalawang barko na nasa Mediterranean.
Ang pagpapakawala ng missiles ay ang kauna-unahang direktang pag-atake ng Amerika sa pamahalaan ni Syrian President Bashar Al – Assad sa anim na taong civil war.
By Katrina Valle
