Tinatayang animnaraang militante ang sumugod sa mga housing project ng National Housing Authority sa NHA village heights 2 sa Barangay Mapulang Lupa, Pandi, Bulacan.
Ito’y bilang suporta sa urban poor group na Kalipunan ng Damayang Mahihirap o KADAMAY na umu-okupa sa mga naturang pabahay.
Pawang mga miyembro ng Alliance of Concerned Teachers, Akbayan, Bayan Muna, Gabriela, Anak Pawis at Kabataan partylist ang mga naglunsad ng protesta, kahapon.
Iginiit ng mga makakaliwang grupo na dapat mabigyan ng maayos na pabahay ang mga mahirap dahil karapatan nila ito alinsunod sa batas.
Binigyan na lamang ng NHA ang KADAMAY ng hanggang bukas upang bakantehin ang mga housing unit na kanilang inokupa sa Pandi at San Jose Del Monte city.
By Drew Nacino
