Arestado ang tatlong (3) empleyado ng kumpanyang Mighty Corporation makaraang mahuling nagtatapon ng kahon-kahong sigarilyo sa Parañaque City.
Kinilala ng Parañaque CENRO o City Environment Office ang tatlo na sina Elmer Tendero, Junmar Luna at John Ray Linatoc.
Sakay ng isang van ang tatlo na nagmula pa sa Muntinlupa nang itapon ng mga ito ang mga produkto sa tambakan ng basura sa Barangay San Dionisio.
Nagtagumpay ang tatlo sa unang pagtatapon ngunit hindi na sila pinalampas ng mga tauhan ng CENRO sa ikalawa dahil tanging mga taga-Parañaque lamang ang pinapayagang magtapon sa naturang basurahan.
By Jaymark Dagala | Report from Jopel Pelenio (Patrol 17)
